Бүгін ҚР Парламенті Мәжілісінің депутаттары, «Nur Otan» партиясы фракциясының мүшелері Ташқараев Ғани Әбдіғаниұлы және Ерман Мұхтар Тілдәбекұлы Шымкент қаласындағы іс-сапары барысында «ҚазТрансГаз Аймақ» АҚ жұмысымен танысты.
Кездесуге «Nur Otan» партиясы Абай аудандық партия филиалы төрағасының бірінші орынбасары Е.Бертаев, Абай ауданы әкімінің орынбасары Ғ.Көшікбаев, Шымкент қалалық мәслихат депутаттары, «Nur Otan» партиясы фракция мүшелері М.Жолдыхожаев, Н.Балабиев қатысты.
«ҚазТрансГаз Аймақ» акционерлік қоғамы, өңіріміздегі газбен жабдықтау саласындағы ірі компания болып табылады.
Кездесу барысында өндірістің тиімділігін арттыру және Компанияның тұрақты дамуын қамтамасыз ету үшін жаңа технологиялар мен заманауи тәсілдерді енгізуге ерекше көңіл бөлетіндігі айтылды.
2021 жылдан бастап 2023 жыл аралығындағы кезеңде ҚР қалалары мен облыстарының газ құбырларының тарату желісін цифрландыру жұмыстарын жүргізіліп жатқандығы баяндалды.
Сонымен қатар мекеме басшысы Ибраев Ернұр Бауыржанұлының айтуынша Шымкент қаласы бойынша 240 мың табиғи газ қолданушы абонент тіркелген болса ағымдағы жылы, соның 75 мыңына жаңа үлгідегі бір орталықтан басқарылатын газ есептегіштертер орнатылады. Бұл өз кезегінде мекеме жұмысын жақсарта түседі.
Осы орайда, «Халық үніне құлақ асатын мемлекет» тұжырымдамасын іске асыру мақсатында тұтынушылардың мәселелерін жедел және тиімді шешу үшін өзекті ақпаратты, хабарландыруларды, субъектілердің жүргізіліп жатқан жұмыстары туралы, тұтынушылардың туындаған сұрақтарына жедел ден қою мақсатында Телеграмм-Бот, Whatsapp-бот мобильді қосымшаларын пайдаланудың тиімділігін тұтынушыларға түсіндіру жұмыстары жүргізілуде. Бұл мобильді қосымшаларды қолданудың артықшылығы онда жеке шот бойынша деректерді тексеруге, түбіртек алуға, төлемдер тарихын бақылауға, есептеу құралдарының көрсеткіштерін беруге, онлайн төлем жүргізуге, жиі қойылатын сұрақтарға жауап алуға, өтініш қалдыруға тұтынушыларда толық мүмкіндік болады.
Айта кетсек, қазіргі таңда Шымкент қаласы бойынша 9 844 абонент аталған қызметтерді тұрақты қолдануда.