Мемлекет басшысы Қасым-Жомарт Тоқаевтың сұхбатында соңғы уақытта көпті күпті еткен бірқатар сауалдарға нақты жауаптар берілді. Қоғам ойын шырмап алған қорқыныш пен үмітсіздік сейілді деген ойдамын. Ел мен жердің иесі — қазақ. Ал қазақтардың тағдырын, президент атап өткендей, әрбір қазақстандық шешеді. Демек жауапкершілік жүгі баршамызға бірдей жүктеліп тұр. Әлеуметтің әлеуетін құр сөз, құрғақ уәдемен емес, нақты іспен көтеретін уақыт жетті. Қазақстан — ортақ үйіміз. Іргемізге ырыс пен ынтымақты тұрақтатып, шаңырағымызға шаттық пен берекені ұялатып, тәуелсіздігіміздің тұғырын бекіту сынды жауапты міндетті абыроймен көтеріп, тұтас елдің тұрмысының түзелуіне бірлесе еңбек сіңіре берейік!

Талғат Балтабаев
Мәслихат депутаты, «Nur Otan» партиясы фракциясының мүшесі.