«Nur Otan» партиясы Төлеби аудандық филиалы жанындағы білім және ғылымды дамыту және ұлт денсаулығы мәселелері жөніндегі қоғамдық кеңес төрайымы ретінде 2021 жылы атқарылған жұмыстар барысына есеп бердім.

Жиын барысында кеңес мүшелігіне аталған сала мамандарын қосып, оны толықтырдым. «Nur Otan» партиясының сайлауалды бағдарламасын іске асыру жөніндегі Төлеби ауданы бойынша Жол картасындағы медициналық көмектің қол жетімділігі мен сапасын және білім беру сапасын арттыру бойынша индикаторлардың орындалу туралы мекеме басшылары баяндады.

Кеңес отырысына қоғам өкілдері, белсенділер және қоғам өміріне бейжай қарамайтын азаматтар қатысты. Олар басқасуда өз саласына жауапкершілікпен қарап, ашық пікірлерін білдіріп, межелеген жоспарлардың жүзеге асуына қатысты тың идеялар ұсынды.
Бұған қоса, 2022 жылы жүзеге асуы жұмыстардың жылдық жоспары бекітілді. Жиын соңында кеңес мүшелерінің тарапынан бірқатар ұсыныстар айтылып, қорытындыланды.

Мадина Ермаханбетова, 

Төлеби аудандық мәслихатының депутаты