Қазіргі таңда елімізде 5 қаңтардан бастап төтенше жағдайлар жарияланды.
Орын алған оқиғаларға байланысты, аудан халқын арандатушыларға ермеуге шақырамын.
Мемлекет басшысы Қасым-Жомарт Кемелұлы Тоқаев елдегі жағдайды тұрақтандыру мақсатында көптеген жұмыстар атқаруда. Тәуелсіздік алған жылдардан елімізде халықтың ауызбіршілігі, ұлтаралық татулығы сақталып келді. Ашық аспан астындағы бейбіт тірлікке сызат түспеді.

Біздің халқымыз — қашанда рухының мықтылығымен ерекшелене білді
Дегенмен, кешегі бейбіт шеру арандатушылардың әрекетінен кейін жаппай тәртіпсіздікке ұласып, келеңсіз жағдайлар орын алды. Өзекті өртейтіні, жазықсыз жандар жапа шекті.
Еліміздің бүгінгі жай-күйі Президентіміздің бақылауында. Сондықтан, біз елде тыныштықты сақтап, әртүрлі ниеті бұзық топтардың сөзіне ермей, ел бірлігін жоғалтпай, мемлекетіміздің тұрақтылығын сақтауымыз керек.

«Nur Otan» партиясының фракциясы мүшесі, аудандық мәслихат депутаты ретінде айтарым, «Бірлік бар жерде алынбайтын асу жоқ». Біз бірлікті, келісімді, тұрақтылықты сақтап, осы уақытша қиындықтан аман-есен шығатын боламыз. Халқымыздың төзімділігі, ерік-жігерінің арқасында арандатушыларға тосқауыл қоя аламыз.
Қазір біз жауапкершілікті арттырып, еліміздің игілігі үшін, әсіресе мұқтаж жандарға қолдау көрсету үшін барлық мүмкіндікті пайдаланумыз өте маңызды.

Мадина Ермаханбетова, 

Төлеби аудандық мәслихатының депутаты