Төлеби аудандық мәслихатының депутаты Мадина Ермаханбетова Қазақстан Республикасы Тәуелсіздігінің 30 жылдық мерейтойына орай, Тасарық ауылдық округіндегі Тоқболат Тоғысбаев атындағы жалпы орта мектебіне арнайы іс-сапармен барды. Білім беру ұжымын мерекемен құттықтап, мектеп басшылығына аудандық Мәслихат Грамотасын табыс етті.

Халық қалаулысы «Nur Otan» партиясы аудандық филиалы жанындағы білім және ғылымды дамыту және ұлт денсаулығы мәселелері жөніндегі қоғамдық кеңес төрайымы ретінде мұғалімдермен кездесіп, оларды толғандырып жүрген мәселелер жөнінде әңгіме жүргізді. Ұстаздар қауымына депутат «Nur Otan» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасының орындалуы жөнінде баяндады.

Білім беру ұйымдарына педагогтар мен қызметкерлерді, басшыларын жұмысқа қабылдау «jumis.smartnation.kz» порталы арқылы мекеме автоматтандырылған жүйеде жүргізіліуде. Педагог мәртебесі туралы заңның қабылдануы және айлық жалақысының өсуі оқу грантының балы жоғарылауы мен алтын белгіге бітірген түлектердің педагогикалық мамандық таңдауында үлесі артқан. Мадина Сейфуллақызы Ұстаздар қауымын мерекемен құттықтап, еңбектеріне табыс тіледі.

masa-ақпарат