Төлеби аудандық мәслихатының депутаты Мадина Ермаханбетова  Ленгір қаласындағы №6 жалпы орта мектебінің құрылыс жұмыстарымен  танысты. Білім ордасының көнерген ғимараттары жаңартылуда. Бұл үшін бюджеттен қаржы қарастырылып, құрылыс қарқынды жүріп жатыр.  

Білім ордасы 2022-2023 оқу жылы қарсаңында пайдалануға беріледі деп жоспарланып отыр. Бүгінде құрылыс нысанының іргетасы аяқталып, қабырғасы қалануда.

Қазіргі кезде мектеп құрылысы жүруіне байланысты, оқушылар көрші ауылға қатынап оқып жүр. Халық қалаулысы мердігерлерге құрылыстың сапалы жүруіне баса назар аудару керектігін ескертті. 

masa-ақпарат