«Nur Otan» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасына сәйкес, аудан көлемінде денсаулық сақтау саласын оңтайландыруға басымдық берілді. Денсаулық сақтау мекемелерінің материалдық — техникалық базасын нығайтуға 29 млн теңге бөлініп, жабдықталу көрсеткіші 82,7% құрады.

Мемлекеттік жекешелік әріптестік аясында Алғабас, Екпінді елді мекендерінде фельдшерлік-акушерлік пункті құрылыс жұмыстары жүргізілуде, ал Жамбыл және Зертас елді мекендерінде фельдшерлік-акушерлік пунктерінің құрылыс жұмыстары қараша айында құрылыс жұмыстарын жүргізу жоспарлануда.

«Nur Otan» партиясы аудандық филиалы жанындағы білім және ғылымды дамыту және ұлт денсаулығы мәселелері жөніндегі қоғамдық кеңес төрайымы Мадина Ермаханбетова  Ақбастау елді мекеніндегі фельдшерлік-акушерлік пункт құрылысымен танысты. Құрылыс жұмыстары сапалы әрі кестеге сай жүргізілуде. Бұл нысан іске қосылса аймақ тұрғындарына қолайлы болмақ. Шалғай ауылдағы ағайын алысқа сандалмайды. Дәрігердің қабылдауында болған науқас емін алысқа бармай, осы жерде қабылдауына толық мүмкіндік қарастырылған.

masa-ақпарат