«Nur Otan» партиясы Төлеби аудандық филиалы жанындағы білім және ғылымды дамыту және ұлт денсаулығы мәселелері жөніндегі қоғамдық кеңес төрайымы Мадина Ермаханбетова Кемеқалған ауылдық округіне іс-сапармен барды. Округте орналасқан  білім және денсаулық сақтау нысандарының аралап, олардың жай-күйіне көңіл бөліп, ұстаздар мен дәрігерлемен әңгімелесті.

Округ тұрғындарымен кездесіп, олардың өтініштерін, арыз шағымдарын тыңдады. Ауыл халқының негізгі кәсібі ауыл шаруашылығы болғандықтан, тұрғындар тарапынан осы салаға қатысты сұрақтар қойылды.

Халық қалаулысы өз кезегінде  «Nur Otan» партиясының кез-келген уақытта халыққа барынша көмек қолын созатынын жеткізді. Партияның жеті бағдарламасымен таныстырып, ол бойынша атқарылған жұмыстар жөнінде айтып өтіп, алға қойған мақсаттарға тоқтала кетті.

Жиын соңында ауыл халқы «Nur Otan»  партиясының бағдарламасына сенім артатын айтып, депутатқа ризашылықтарын білдіріп, сәттілік тіледі.

masa-ақпарат