«Nur Otan» партиясынан сайланған аудандық мәслихат депутатары, фракция мүшелері аудандық мәслихаттың бюджет, аумақты экономикалық-әлеуметтік дамыту жөніндегі тұрақты комиссиясы, алдағы болатын сессиясының күн тәртібінде қаралатын «2022-2024 жылдарға арналған аудандық бюджет туралы» мәселені алдын ала жан-жақты зерделеді.

Мәжілістің күн тәртібіндегі мәселе бойынша аудан әкімінің орынбасары Б.Құралбаев және аудандық экономика және қаржы бөлімінің басшысы М.Ашрапов хабарлама жасады. Жиында аудандық мәслихаттың депутаты Мадина Ермаханбетова жүргізіп, бірқатар өзекті мәселелерді алға тартты.

Зерделеу барысында, бюджетті жоспарлау мен орындау барысында бюджет қаражатын басқарудың қағидаттарына қайшы келетін кемшіліктерді болдырмау және олардың алдын алу бойынша жұмыстар жүргізіп, жалпы сипаттағы трансферттерді мақсатты және тиімді пайдалануда Қазақстан Республикасы заңнамасының талаптарын қатаң басшылыққа алу қажеттігі ескерілді. Мәжілістің қорытындысымен сессияның күн тәртібіне ұсыну үшін, тұрақты комиссиялардың біріккен мәжілісінде қаралатын болады.