Депутаттарға арналған «Біздің Депутат» республикалық қоғамдық-саяси газетінің 2021 жылғы қорытындысы негізінде үздіктер анықталды.

Әлеуметтік жобалар, қайырымдылық шаралары мен ақпараттық белсенділіктері үшін үздік деп танылған депутаттардың ішінде академик Ә.Қуатбеков атындағы Халықтар достығы университетінің ректоры, Түркістан облыстық маслихатының депутаты, «Nur Otan» партиясы фракция жетекшісінің орынбасары және тұрақты комиссия мүшесі Рабиға Әбдімұсақызы Қуатбекова марапатталды.

Рабиға Әбдімұсақызы бұл марапатқа әбден лайық.  Рухы биік қазақ батыр айелдерінің болмысын жаңа рухта насихаттап жүрген азаматша екенін жұрт жақсы біледі. Оның әсіресе, тоғыз жолдың торабында орналасқан Арыс қаласын дамытудағы еңбегі ұшан-теңіз. Ескерте кетсек, Республика бойынша «Үзік мәслихат хатшысы» номинациясына облыстар ішінен Солтүстік Қазақстан облысы лайықты деп табылса, қалалар ішінен Қарағанды қаласының мәслихат хатшысы үздік деп бағаланып отыр.

Жылдар бойы сіңірген еңбегі мен депутаттық топты басқару бойынша жоғары деңгейде қызмет жасағаны үшін 225 мәслихат хатшысының ішінде 2 өңір мәслихат хатшылары үздік деп бағаланды.Мандатқа ие 3500 депутаттың арасында 900-ға жуық депутат облыс және қала депутаттары болып табылады. Солардың ішінен 32 депутат үздік атанып отыр. Олардың 20-сы облыстар ішінен, ал 12 депутат қалалар ішінен іріктеліп алдынды.

Мәслихат депутаттарының қоғамдық жұмыстары еш қандай жалақымен бекітілмеген. Соған қарамастан сайлаушылардың қолдауына ие болған әр бір мәслихат депутаты қоғамға қызмет ету жолында орасан зор үлес қосуда.

masa-ақпарат