Арыс қалалық мәдениет үйінің кіре берісіне  қазақ елінің мақтанышы, Мемлекеттік әнұранның авторы, (вальс падишасы) Шәмші Қалдаяқовқа бюст орнатылды.

Ескерткіштің ашылуына Түркістан облыстық маслихатының депутаты, «Nur Otan» партиясы фракция жетекшісінің орынбасары Рабиға Қуатбекова арнайы қатысты. Шақырылған қонақтардың ішінде  Социялистік еңбек ері, ардагер қоғам қайраткері Сабетбек Еркінбай, әнші, жазушы, ғалым, қоғам қайраткері Серғазы Есімбетов және ғылым докторы, Абай университетінің директоры, «Алуа» компаниясының президенті Алуа Таңжарықова сындытағыда басқа қоғам қайраткерлері де бар.

«Халқымыздың рухани өмірі мен музыкалық мәдениетіндегі Ш. Қалдаяқовтың алатын орны орасан екені — ешқандай дәлелдеуді қажет етпейтін шындық. Аты алты алашқа әйгілі, қазақ халқының ұлттық мақтанышына айналған ұлы компазитор. Ол — бүкіл ел мойындаған, жалпы халықтың шексіз сүйіспеншілігіне бөленген, қалың жұрттың қайнаған ортасынан шыққан дара дарын, тума талант, аты көзі тірі кездің өзінде аңыз болып кеткен бірегей өнер иесі.

Мен өз кезегімде, «Nur Otan» партиясының жергілікті жерде Сайлауалды бағдарламаларының жүзеге асырылып жатқанына шын көңілден қуанышты екенімді жеткізгім келеді. «Nur Otan» партиясы халықпен әрқашанда бірге!»,- деді шара барысында сөз алған халық қалаулысы Рабиға Әбдімұсақызы.

Расында да, Түркістан облыстық мәслихатының депутаты Рабиға Қуатбекованың тындырымды тірлігіне жергілікті жұрттың берер бағасы жоғары. Депутат қоғамдық қабылдау өткізіп, Арыс жұртының арыз-шағымдарын билікке жеткізіп жүр. Соның арқасында инфрақұрылым жүйесі жақсарып, әлеуметтік мәселелер оң шешіліп келеді. Ал, ән падишасы Шәмшінің ескерткіш бюстінің ашылуы жас ұрпаққа өнер әлемін дәріптеп, үлкенге ізет, кішіге құрмет көрсетудің ізгі жолын көрсеткендей.

masa-ақпарат