ҚР Тәуелсіздігінің 30 жылдық мерейтойы қарсаңында, Арыс қаласында көрнекті мемлекет қайраткері, қазақтың біртуар азаматы, ұлт жанашыры бола білген Дінмұхамед Ахметұлы Қонаевтың ескерткіші өз есімімен аталатын көше бойында ашылды.

Аталған іс-шараға Түркістан облыстық маслихатының депутаты, «Nur Otan» партиясы фракция жетекшісінің орынбасары және тұрақты комиссия мүшесі Рабиға Қуатбекова қатысты. Халық қалаулысы өз сөзінде Арыс қаласының 65-жылдық мерей тойы және де жоғарыда аталған іс-шара сынды мерекелерімен қала тұрғындарын шын жүректен құттықтап, облыстық мәслихат депутаты ретінде «Nur Otan» партиясымен көкейтесті мәлелелерді шешуге және өңір тұрғындарымен әрқашанда бірге екенін жеткізді.   

Айту керек, тоғыз жолдың торабында орналасқан шаһарда «Nur Otan» партиясының Сайлауалды бағдарламасы кезең-кезеңімен орындалып, өз шешімін тауып жатыр.

Ескерткіштің ашылуына сондай-ақ, қала әкімі Гулжан Мамытқызы, қазақтың ұлы жазушысы Мұхтар Әуезовтың ұлы Мұрат Әуезов, Д.А.Қонаевтың немере інісі Диарбақыр Қонаев, Түркістан облысы Арыс қалалық «Nur Otan» партиясы филиалының бірінші орынбасары Бақтығали Дилдабеков және тағы басқа қоғам қайраткерлері де қатысып, көпшілік қауымды Ел Тәуелсіздігінің 30 жылдық мерекесімен құттықтады.

masa-ақпарат