ШЫМКЕНТТІК ЖАСТАР РИДДЕРЛІК ТҰРҒЫНДАРҒА КӨМЕК КӨРСЕТУГЕ НИЕТТІ

Шымкенттік жастар алғашқылардың бірі болып Риддердегі өрттен зардап шеккен тұрғындарға көмек қолын созбақ ниетте. Белсенділер бұл іске көпшілікті жұмыла ат салысуға шақырып отыр. Еске сала кетсек, Лесхоз кентінде 10 мамыр күні сағат 13.55-те орманға өрт жайылған болатын. Салдарынан 5 көшедегі 31 үй, 5 жеңіл автокөлік және шаруашылық құрылыстарының 7 учаскесін от шарпыған.

Шымкенттік жастар болған жайтқа бей-жай қарай алмады. Олар тұрғындарды зардап шеккен ридерліктерге көмек көрсетуге үндеуде. Қазірдің өзінде жиналған қаржыға біршама азық түлік, гигиеналық заттар және тұрмысқа қажетті тауарлар алынды. Игі іске ат салысып жатқандар саны уақыт өткен сайын артуда, дейді ұйымдастырушылар.

Көп түкірсе көл. Жастар қайырымдылықтың көлемі маңызды емес. Бастысы ниет, дейді. Қайрымдылыққа әркім өз қалауынша көмек көрсете алады. Бірі азық- түлік әкелсе енді бірі киім кешек те берсе болады. Қажет болса ауылдарды қайта қалпына келтіру жұмысына да барамыз, деп отыр, еріктілер. Ел басына күн туғанда бірлік таныту қанға сіңген қасиет, дейді жастар.

Әлеуметтік көмек осы аптаның сенбісіне дейін жиналып, қайырымдылық қоры сол күні Риддерге аттанады. Қол ұшын созам деушілерге есік ашық ,дейді қала жастары.