ШЫМКЕНТТІК ПОЛИЦЕЙЛЕР АУЫЛДА ТАБЫЛҒАН ГРАНАТАНЫ ЗАЛАЛСЫЗДАНДЫРДЫ

Шымкенттік полицейлер ауылда табылған гранатаны залалсыздандырды . Жергілікті тұрғын қой бағып жүрген кезінде гранатаға ұқсас жарылғыш затты тауып алғанын айтып Еңбекші ауданы Полиция басқармасының кезекші бөліміне хабарлаған.

Аталған хабарлама бойынша полиция қызметкерлері шақырту болған жерге шұғыл барды. Тексеру барысында тәртіп сақшыларымен қара түсті граната анықталып, қоршауға алынып, залалсыздандырылды. Шымкент қаласының ПД жарылғыш затты тапқан кезде одан алыстап, ықтимал қауіп туралы айналадағы азаматтарға ескертіп, дереу полицияға “102” телефоны бойынша хабарлауға кеңес береді.