ПОЛИЦЕЙЛЕР КӘРІЗ ҚҰДЫҒЫНА ҚҰЛАҒАН ЕКЕУДІ АМАН ҚАЛЫП ҚАЛДЫ
Түркістан облысының полицейлері тереңдігі 4 метр келетін кәріз құдығына түсіп кеткен екі азаматты аман алып қалды. Оқыс оқиға Арыс қаласында орын алған. Кезекші бөлімге қала тұрғыны хабарласып мән-жайды айтып, көмек сұраған. Ақынбеков көшесіне шұғыл жеткен тәртіп сақшылары қолаңса иіске қарап тұрмастан құдық түбінде қалған екеуді сыртқа алып шыққан.
Хабарлама алысымен сол аумаққа бекітілген учаскелік полиция инспекторы полиция аға лейтенанты Бақытжан Жақсылық пен оның әріптесі Асанхан Сыздықов екеуі шұғыл әрекететіп, 2-3 минут ішінде 7 көше арыдағы оқиға орнына жетеді. Полицейлер сол маңда қаумалап тұрған жұртты бірден ұйымдастырып 4 метрге жуық тереңдікке құлаған жұмысшының бірін жіппен тартып шығарып алады. Кәріздегі иістен уланған екі азамат дереу жедел- жәрдем дәрігерлеріне тапсырылып, ауруханаға жеткізіледі. Бұл жағдайдың барлығы полицейдің бейнежетонына түсірілген. Белгілі болғандай, кәріз тазалауға жұмысқа келген қызметкерлер төменге түскендерінде белдеріндегі жіп үзіліп кетеді. Бірі құдықтың беткі жағында ілініп қалса, екіншісі түбіне барып бірақ құлаған. Абырой болғанда, бүгінде жансақтау бөліміне түскен екі қызметкердің де жағдайы жақсы. Ойда-жоқта өлім мен бетпе-бет келген екеу тәртіп сақшылары мен тұрғындарға алғысын білдірді.
