КЕЗЕКТІ XLII КОНФЕРЕНЦИЯ
«Nur Otan» партиясы Шымкент қалалық филиалының кезекті XLII есеп беру-сайлау конференциясы болып өтті. Жиында миллионды шаһардың әлеуметтік-экономикалық қал-ахуалы жан жақты сарапқа салынып, болашаққа бағдар жасалды. Эпидемиологиялық жағдайға байланысты мәжіліске жергілікті филиалдардан сайланған 130 делегат Zoom платформасында онлайн түрде қатысты.
Әуелеген әнұранмен басталған жиынның күн тәртібіне 4 бірдей мәселе бекітілген. Жиынды жүргізіп отырған әкім Әйтенов әлқисса сөзді партияның бірінші орынбасары Жанар Әлібекқызына ұсынды.

Жанар Бектаева — «Nur Otan» партиясы Шымкент қалалық филиалы төрағасының бірінші орынбасары

Бүгінде қаладағы жетекші партияның 35 мыңға жуық мүшесі бар. Олардың 36,6% пайызы ерлер, 63,7% әйел азаматтар болса, ондағы жастардың үлесі 23,8% пайызды құрайды. Партия мүшелері партияның негізгі күші болып табылатын 49 бастауыш ұйымдарына топтасып заман ағымына сай жаңашылдыққа бетбұрыс жасады. Соның арқасында Елбасы тапсырмалары өңірде қарқынды жүзеге асып жатыр.

«Бізге жетіспейтіні – белсенділік, шапшаңдық әрі жедел әрекет ету. Өткенге есеп беріп, болашаққа бағдар жасалған жиында қала басшысы осылай деді. Сондықтан партияның Қоғамдық қабылдау бөлімдері мен Сыбайлас жемқорлыққа қарсы іс-қимыл жөніндегі қоғамдық кеңестері – халықпен бірлескен жұмысты күшейту қажет.

Атқарылған шаруа аз емес. Есепті мерзімде партия филиалдарының қоғамдық қабылдауына азаматтардын 35 мыңнан астам өтініш түскен. Соның 63,пайызы қанағаттандырылды. «Birgemiz» акциясынан жылу көрген жұрттың қарасың қалың. Партиялық бақылау комиссиясы мен сыбайлас жемқорлыққа қарсы іс-қимыл жөніндегі Қоғамдық кеңестің жұмысы да жемісін беріп келеді. Есепті мерзімде 10 отырыс өтті. Тиісті мемлекеттік органдарға 101 ұсыныс берілді. Жарыссөзге шыққандар жұрт үшін жұмылып жұмыс істеудің нәтижесіне баға берді.

Орыс тілін оқытатын ұстаздар тапшы. Бұл мәселе талайдан бері өзекті күйінде қалуда. Мектеп жеткіліксіздігін шешу үшін алдағы бес жылда 85 мектеп еңсе тіктемек. Оқушыларды компьютермен қамту ісі де алдағы уақытта жалғасын таппақ.

Халық көздегіні ғана емес, көңілдегіні де көреді. Партия ұйымы атқарған жұмыстарының барлығы да — ел үшін. Отан үшін. Атамекен жер үшін. Жиынды қорытындылаған Мұрат Дүйсенбекұлы патия активіне бірқатар мақсат-міндеттерді жүктеді.

Бізде зор әлеует бар. Қалалық партия ұйымының саны өзге саяси партиялардың санынан бірнеше есе көп. Сондықтан, сылтау айтуға жол жоқ! Кезекті 42 конференциясының жұмысы қаланың қарыштап дамып, халықтың мұң-мұқтажын сейілтудегі іске тағы да серпін берді.