СПИРТ ӨНДІРЕТІН АСТЫРТЫН ЗАУЫТ ҚЫЗМЕТІНІҢ ЖОЛЫ КЕСІЛДІ

Заңсыз әрекет Шымкент қ. кәсіпорындардың бірінің өндірістік аймағында сатып алынған 70 литр спирт қосылған сұйықтық бар автокөлікті ұстау кезінде анықталды.

Аймақ аумағын тексеру барысында тағы 25 тонна суррогат алкоголь өнімі табылып тәркіленді. Сарапшылар оны 35 млн. теңгеге бағалайды. Шымкент қалалық сотының үкімімен кәсіпорын басшысы 1 жылға бостандығын шектей отырып, заңсыз кәсіпкерлікпен айналысқаны үшін кінәлі деп танылды. Тәркіленген заттай дәлелдемелер мемлекет кірісіне айналдырылды.