Шымкентте үйлену тойларының маусымы әлдеқашан басталып кеткен. Соның ішінде тамыз – неке көп қиылатын айдың бірі, ал ерекше күн – 8 тамызда, яғни неке қиған жұптар саны рекорд орнатқан.

«Жылдағыдай дәстүр биыл да жалғасын тауып, 8 тамыз күні қалалық АХАЖ-да неке қиюшылар саны күрт артқан. Жалпы, жыл басынан бері 7 525 жұп шаңырақ көтерген болса, қала тұрғындары негізінен ерекше даталар мен мереке күндерін таңдауға тырысады. Осылайша биылғы 8 тамызда АХАТ бөлімінде 60 жұптың некесі тіркеліп, жас жұбайлардың өздері неке қиюды жүректерімен таңдағандарын, ал бұл ерекше дата жай ғана естелік үшін ұнағандарын айтады», – деді «Азаматтарға арналған үкіметтің» Шымкент қаласы бойынша филиалының баспасөз хатшысы Алтынай Татаева.

8 тамыз күнгі некелесу рәсімі биыл маусым айында ашылған жаңа салтанат залында өтті.

Еске сала кетейік, 2023 жылдың 1 шілдесінен бастап АХАТ функциялары мемлекеттік корпорацияға берілді. Некені тіркеу туралы өтінішті АХАТ бөліміне 15 күн бұрын тапсыру қажет. Сондай-ақ, электронды үкімет порталы және екінші деңгейлі банк қосымшалары арқылы өтініш беруге де болады. Салтанатты рәсімді АХАТ қызметкері жүргізеді. Сонымен қатар, неке қиюды салтанатты түрде рәсімдеуді көрсетілген орынға барып тіркеу қызметі де қарастырылған.

Рекорд орнатуды емес, 08.08.2024 жылды таңдаған жастардың жұптары ажырамай, көтерген шаңырақтары биік, тіккен отаулары берік болсын деп тілейік!