Шымкент қаласындағы облыстық көркем сурет галереясында «Шығармашылық үйлесім» атты көрме салтанатты түрде түңлігін түрді. Шараны Өзбекәлі Жәнібеков атындағы Оңтүстік Қазақатан мемлекеттік педагогикалық университеті ұйымдастырды.

 Қолданбалы өнер – халықтың мәдени өмірін көрсететін көрсет етін сала. Бұл – өткеніміз бен бүгінімізді тоғыстырады. Шаора аясында университеттің кәсіптік өнер және бейнелеу өнері кафедрасы студенттердің қолынан шыққан қазақы нақыштағы киімдер мен сәнді тоқыма бұйымдарын көрмеге қойды.

Көрмеге шәкірттер ғана емес, университет ұстаздары да атсалысты. Сәнді тоқыма сөмкелер, киіз текемет пен майлы бояумен боялған суреттер көздің жауын алады. Темірден түйін түйіп, ағаштан ою ойған шеберлердің бұйымдары да осы көрменің төрінен орын алған.

Шараның мақсаты: Кафедра ұжымы мен студенттердің жұмысын насихаттау. Осы арқылы шәкірттердің өнер-білімге деген ынтасы жігерлендіру. Бұл күні шәкірттер ұлттық нақышта тігілген киімдерді киіп, дефиле жасады.Ал, ұйымдастырушылардың айтуынша, салт-сананы дәріптеумен қатар, мұндай іс-шаралар жас буынға эстетикалық тәрбие береді. Осы арқылы шын таланттарды танып, ұлттық өнерді өркендету көзделген.