Елімізде 1-сыныпқа құжат қабылдау жүріп жатыр. 1-сәуірде басталған құжат қабылдау процесі электронды түрде  жүргізіледі.  Шымкентте жаңа оқу жылында қанша бала мектепке барады? Сыныптағы орын тапшылығы мәселесі қалай шешілмек? Сала басшысының сұхбатын сюжеттен көріңіз.

 Қазақстанда 1-сыныпқа құжат қабылдау басталып кетті. Білім мекемелері 1 сәуірден 31 тамызға дейін құжат қабылдайды. Шымкентте жаңа оқу жылы есеп бойынша 28 мыңнан аса бала алғаш рет мектеп табалдырығын аттайды.

«Сыныптардағы бала саны бақыланады» деген басқарма басшысы мектептерде орын тапшылығы мәселесі барын жасырмады. Нұргүл Шәмшиеваның айтуынша, Шымкент демографиялық ахуалы жоғары аймақ болғандықтан бір сыныпқа 30 оқушыға дейін қабылданады. Ал кейбір мектептерде дәлізден кабинет жасақталған.

Мегополистегі мектеп мәселесін шешу күн тәртібінен түспейтін тақырып. Биыл 12 білім ұясы «Жайлы мектеп» жобасы аясында пайдалануға беріледі. Тағы 1 мектеп бюджет есебінен салынады. Сонымен бірге сала басшысы Шымкент қаласына кейіннен қосылған 42 елдімекеннің 13-інде білім ұясы атымен жоқ. Екенін жеткізді. Осы ауылдарда мектеп салу үшін «Инфрақұрылымды дамыту қолдау қорына» өтініш берілген. Шымкент шаһарындағы толымдығы жоғары 21 мектептің мәселесі осылайша шешіледі.