Бәйдібек ауданы әкімі аппаратының мәжіліс залында Мемлекеттік қызмет істері агенттігінің Түркістан облысы бойынша департаментінің бастамасымен онлайн режимде мемлекеттік көрсетілетін қызметтер жәрмеңкесі ұйымдастырылды.

Жәрмеңкеге Бәйдібек ауданды полиция бөлімінің және аудандық қорғаныс істері жөніндегі бөлімінің инспекторлары мен жауапты мамандары қатысып, тұрғындарға салалар бойынша көрсетілетін мемлекеттік қызметтерді алу тәртібі жөнінде ақпараттар мен кеңестер берді.

Бәйдібек ауданы әкімдігінің facebook әлеуметтік желісі арқылы тікелей эфирде өткізілген жәрмеңке барысында азаматтар мемлекеттік қызмет алу мәселелері бойынша қажетті консультативтік-әдістемелік көмек алды.

Жәрмеңкеге 57-ге жуық көрермен қатысты. Азаматтар тарапынан 5 сұрақ қойылып, оған сала мамандары жауаптарын берді.

Іс-шара соңында Бәйдібек ауданы әкімі аппаратының ақпараттық қауіпсіздік бөлімшесінің басшысы Сейсенғали Арыстанбаев мемлекеттік қызметтерді электрондық форматта алуды, ұсынуды насихаттау бойынша және мемлекеттік көрсетілетін қызметтерді ұсынатын басқа да бөлімдер мен мекемелерді қатыстра отырып, онлайн форматтағы жәрмеңкені алдағы уақытта да өткізілетіндігін хабарлады.

Аудан әкімінің баспасөз қызметі