Бүгін Келес ауданы әкімі аппаратының мәжіліс залында жер қатынастары саласындағы мемлекеттік көрсетілетін қызметтердің сапасы мен қолжетімділігі, жергілікті жердегі мемлекеттік органдардың қызмет көрсету мәселелері бойынша жиын өткізілді.

Жиынға Келес ауданы әкімінің орынбасары Сүлеймен Жылқыбаев төрағалық етіп, аудан әкімдігіне қарасты дербес бөлім басшылары, ауыл, ауылдық округтерінің әкімдері мен жауапты мамандары және аудан аумағындағы коммуналдық қызмет көрсетуші мекеме қызметкерлері қатысты.

Жиынның мақсаты — мемлекеттік қызметтерді көрсету кезінде халықтың құқықтары мен заңды мүдделерін сақтауды қамтамасыз ету, әкімшілік кедергілерді азайту, халыққа мемлекеттік қызметтерді көрсету тиімділігін арттыру және мемлекеттік қызметтерді сапалы көрсету болып табылады.

Жиын барысында тұрғындар тарапынан сұранысқа ие қызмет түрі «Жер учаскесінің нысаналы мақсатын өзгертуге шешім беру» мемлекеттік қызметін көрсету қағидалары бойынша түсіндірме жұмыстары жүргізілді.

(с) Келес ауданы әкімдігінің баспасөз қызметі