Бүгін Сайрам ауданының орталығында ауыл шаруашылығы еңбеккерлерінің күніне арналған «#Алтын күз — 2022» аудандық іс-шарасы аталып өтті.
Дәстүрлі шарада аудан әкімі Уласбек Садибеков күзгі жиын-терімді қорытындылап, қол жеткізген жоғары жетістіктеріне тоқталды. Атап айтқанда, аудандағы басты сала агроөнеркәсіп кешені тұрақты дамуда. Соңғы 3 жылда 1,2 есеге артық өнім өндірілген. Ал, 2022 жылдың 10 айында 108 млрд теңгеден астам өнім өндіріліп, былтырғы жылдың осы кезеңімен салыстырғанда 4,5 млрд теңгеге артық өнім алынған. Жаңадан 103,3 га жерге тамшылатып суғару жүйесі ендірілсе, 10,4 га жерге жылыжайлар салынып, 35 га жерге қарқынды бау егілді. Биыл егіс көлемі 52,8 мың гектарға жеткізілді. Жалпы өңірлік өнім көлемі биылғы 10 айда 202 млрд теңгеге жетті. Жалпы өнімнің 53%-ы — ауылшаруашылығы саласына тиесілі болса, 24%-ы — өнеркәсіп саласының, ал 5,8%-ы — құрылыс саласының үлесінде. Аудандағы 68 өнеркәсіп кәсіпорынмен 47,9 млрд теңгенің өнімі өндіріліп, былтырғы жылға қарағанда 12,2 млрд теңгеге артық өнім өндірілген. Оның ішінде өңдеу саласы дамып келеді. «Бір жерден бір жылда екі рет өнім алу» жобасы биыл 306,2 гектарға жетті. Өңдеудің өнеркәсіп саласындағы үлесі 86%-ға жетті, яғни 41 млрд теңгенің өнімі шығарылды. Аудан экономикасына жыл басынан 32,9 млрд теңгеге инвестиция тартылған.
Салтанатты жиында ауыл шаруашылығы және кәсіпкерлік саласының дамуына елеулі үлес қосып отырған, сапалы өнім өндіру, өнім көлемі, қайта өңдеу, жобаны іске асыру жағынан жоғары көрсеткіштерге жеткен үздік ауылдық округтері, сондай-ақ озат атанған шаруалар, кәсіпкерлер, сала мамандары марапатқа ие болды.
#Алдымен аудан әкімі ауданда ауыл шаруашылығы саласын дамытуда жоғары көрсеткіштерге қол жеткізген озат ауыл округтерін марапаттаудан бастады.🥇 1-ші орын Қарабұлақ ауыл округінің әкімі Камилжан Абдилахатов, 🥈2-ші орын Қарасу ауыл округінің әкімі Дамир Сыдыков, 🥉3-ші орын Манкент ауыл округінің әкімі Абдугани Сайтмуратовтарға берілді.
#Кейінгі марапаттауда облыс әкімінің алғыс хаттарын «Айкан» ЖШС-нің директоры А.Тасқараева, ЖК «Абдукадиров» Н.Абдукадиров, «Озай Зеки» ЖШС-нің директоры З.Озай, ЖК «Алиев» басшысы Б.Алиев, «Алма» АШӨК-нің төрағасы А.Шалқаров, «Zaure Group» ЖШС-нің директоры Ж.Ашықбекова «Экоинвест» ЖШС-нің директоры М.Гелошвили, «Сайрам сүт» ЖШС-нің директоры Н.Жамалбектерге облыс тапсырды.
#Келесі кезекте аудандық мәслихаттың хатшысы Шамхат Халмурадов ауыл шаруашылығы саласындағы еңбек озаттарын аудан әкімінің бағалы сыйлығы белгіленген сертификаттар мен алғыс хаттармен марапатталады.
Олар:
🏆Озат көкөніс өндіруші – А.Аманов, Көлкент ауыл округі;
🏆*Озат жеміс-жидек өндіруші – Н.Қуатбеков ЖК «Куатбеков», Ақбұлақ ауылдық округі;
🏆*Озат картоп өндіруші – Р.Абдурасулов, Көлкент ауылдық округі;
🏆*Озат инвестиция тартушы – Ж.Ашықбекова, Ақсукент ауыл округі.
🏆*Озат астық өндіруші – А.Каримов, Арыс ауыл округі;
🏆*Озат сүт өндіруші – Абдукаримов Шухратбек Абдисаламович, Манкент ауылдық округі;
🏆*Озат етті қайта өңдеуші – А.Шалқаров, Қарасу ауылдық округі «Алма» АШӨК-тің басшысы;
🏆*Озат жәрмеңкеге қатысушы – Б.Нурунов, Манкент ауылдық округі;
🏆*Озат сүтті қайта өңдеуші – З.Озай;
🏆*Озат жүзім өндіруші– А.Рахматуллаев, Қарабұлақ ауылдық округі;
🏆*Озат мақсары өндіруші – «Ақниет» шаруа қожалығының басшысы Ж.Даубаев, Қарасу ауылдық округі;
🏆*Озат механизатор А.Машатбаев, Жібек-Жолы ауылдық округі.
#Іс-шара барысында аудандық қоғамдық кеңестің төрағасы Мурат Есалиев ауыл шаруашылығы саласында жоғары көрсеткіштерге қол жеткізген мамандар және ауыл шаруашылығы саласының жетістіктерін насихаттауда үлес қосқан бұқаралық ақпарат құралдарының өкілдеріне аудан әкімінің бағалы сыйлығы мен марапаты көрсетілді. Құрметке бөленгендердің ішінде «Үздік баспасөз қызметкері» Э.Джаппарова «Исфиджаб» ЖШС-не қарасты «Мәртөбе» газетінің жауапты хатшысы; «Үздік телеарна қызметкері» М.Мирсултанов «Елнұр» телеарнасының операторы; «Үздік статистика маманы» Б.Нұршайықова, аудандық статистика басқармасының басшысы; «Үздік статистика маманы» А.Каутов, бас маман; «Үздік ауылдық округтегі ауыл шаруашылығы саласының маманы» Т.Султанмуратов, Манкент ауыл округі әкімі аппаратының ауыл шаруашылығы бойынша бас маманы; «Үздік мал дәрігері» Ж.Қапшақбаев, Қайнарбұлақ ауыл округінің ветеринар-дәрігері; «Үздік Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті Сайрам аудандық аумақтық инспекциясының бас маманы» мемлекеттік ветеринариялық–санитарлық инспекторы А.Нұрмұратов; «Үздік жер қатынастары саласының маманы» Қ.Сүгірбеков, аудандық жер қатынастары бөлімінің заңгері, «Үздік ауыл шаруашылығы саласының маманы» кәсіпкерлік және ауыл шаруашылығы бөлімінің статисті Л.Умаровалар болды.
#Бұдан бөлек, бірнеше шаруа қожалықтарының басшылары, қызметкерлері мен жеке кәсіпкерлерге аудан әкімінің алғыс хаттарын табыстады.
Ұласбек Сәдібекұлы ауданның барша агроқұрылымдарына алғысын жеткізіп, алдағы жұмыстарына табыс тіледі.
Іс-шара соңы концерттік бағдарламаға ұласып, өнерпаздар ән-билерімен көпшілікті өздеріне тәнті етті.