Жетісай ауданында өткен 10 айдың қорытындысы бойынша нәтижелі жұмыспен қамту және жаппай кәсіпкерлікті дамытудың 2021-2025 жылдарға арналған «Еңбек» мемлекеттік бағдарламасы аясында 7306 азамат тұрақты және уақытша жұмыстармен қамтылса, 344 азамат әлеуметтік жұмыс орындарына, 81 азамат алғашқы жұмыс орындарына, 887 жас жастар практикасына, 2273 тұлға ақылы қоғамдық жұмыстарға, 25 адам «Ұрпақтар келісім шарты» және «Күміс жас» жобалары аясында жұмысқа жолданған.

Сонымен қатар, 214 жетісайлықтың бизнес-идеяларын қолдауға 262,2 млн теңге грант бөлініп, 33 293 мүшесі бар 5664 отбасыға республикалық бюджеттен 2 032 785 мың теңге, жергілікті бюджеттен 20 млн теңге мемлекеттік атаулы әлеуметтік көмек төленген. 137 отбасыға «Қамқорлық» бағдарламасы аясында 4,4 млн теңгенің көмегі көрсетілген.

Ал, «Дипломмен ауылға» жобасы аясында ағымдағы жылы елді мекендерге жұмыс істеу және тұру үшін келген мамандарға әлеуметтік қолдау шараларын ұсыну қағидаларына сәйкес, 302 маманға 92,4 млн теңге көтерме жәрдемақы және 72 маманға 330,8 млн теңге тұрғын үй сатып алу үшін бюджеттік кредит берілген.

Жалпы алғанда 10 айда ауданда 1516 жаңа жұмыс орындары ашылған.

Жетісай ауданы әкімдігінің баспасөз қызметі