Сайрамдағы Бәйтерек елдімекенінде 6 гектарлық жылыжай жақында іске қосылады

Түркістан облысындағы мына атшаптырым жер «қызанақ патшалығына» айналмақ.

Жері берекелі Сайрам ауданында жыл өткен сайын жылыжай шаруашылығы дамып келе жатқанын білеміз. Ауданның көкөністері алыс-жақын шетелге экспортталып, ауқымын ұлғайтып жатыр.

Бүгін пресс-тур аясында Бәйтерек елдімекеніндегі «Зәуре» жылыжай құрылысының жұмысымен танысудың сәті түсті.

Шаруашылықтың басы-қасында жүрген Жарқын Байдуллаев мемлекеттік субсидия көмегімен тәуекел деп кәсібін бастапты.

Жылыжайдың көлемі 6 гектар аумақты қамтиды. Негізінен қызанақ өсіруге басымдық береді. Жоба құны 2 млрд. Биыл желтоқсан айында іске қосылады. Жалпы 90 адам тұрақты жұмыспен қамтылмақ