🔶 Сауран ауданы әкімдігі аппаратының мәжіліс залында Сауран ауданы әкімдігі жанындағы нашақорлық және есірткіге қарсы іс-қимыл жөніндегі комиссияның кезекті отырысы өтті.
🔶 Жиынды комиссия төрағасы, аудан әкімінің орынбасары С.Садибаев ашып, жүргізіп отырды. Отырысқа комиссия мүшелері, ауылдық округ әкімдері және тиісті сала мамандары қатысты. Комиссияның күн тәртібінде нашақорлыққа және есірткі бизнесіне қарсы өткізілген іс-шаралар мен атқарылған жұмыстары қаралды.
🔶 Отырыстың күн тәртібіне сәйкес, балалар, жасөспірімдер және жастар үшін спорт секциялары мен шығармашылық үйірмелердің кең қолжетімділігін қамтамасыз ету, арнайы білім беру жобалары, қыздарды STEM пәндері мен цифрлық мамандықтарға оқыту бойынша арнайы жобалар әзірлеу қажеттілігі, балаларға инклюзивті білім беру, ерекше балалардың мәселелерін шешу, балалардың панасыз және қадағалаусыз қалуының алдын алу жұмыстары туралы 3 мәселе бойынша аудандық адами әлеуетті дамыту бөлімінің басшысы А.Батырбекова баяндама жасады.
🔶 Сонымен қатар, дәріханалалық нашақорлық және синтетикалық есірткінің мектеп пен студент жастарына қаупі туралы аудандық емхананың ана мен баланы қорғау жөніндегі басшы орынбасарының міндетін атқарушы, сарапшы Д.Берденова, нашақорлыққа және есірткі бизнесіне қарсы өткізілген іс-шаралар мен атқарылған жұмыстар бойынша аудандық полиция бөлімінің аға инспекторы, полиция лейтенанты М.Баймахан өз баяндама жасап, слайд көрсетті.
🔶 Комиссияның күн тәртібіндегі қаралған мәселелер бойынша тиісті ұсыныстар айтылып, хаттамаға түсіріліп, алдағы уақытта бірлесіп жұмыс жасауға уағдаласты. Жиынды аудан әкімінің орынбасары С.Садибаев өз ойын, ұсыныстарын айтып қорытындылады.
Сауран ауданы әкімдігінің баспасөз қызметі