Бүгін Сарыағаш ауданы әкімі аппаратының мәжіліс залында Мемлекеттік қызмет істері агенттігінің Түркістан облысы бойынша департаментінің бастамасымен онлайн режимде мемлекеттік көрсетілетін қызметтер жәрмеңкесі ұйымдастырылды.
Жәрмеңкеге Сарыағаш аудандық полиция бөлімі, Сарыағаш және Келес ауданының қорғаныс істері жөніндегі біріктірілген бөлімдерінің жауапты мамандары қатысып, баяндама оқыды.
Тікелей эфирде өткізілген жәрмеңке барысында азаматтар мемлекеттік қызмет алу мәселелері бойынша қажетті консультативтік-әдістемелік көмек алды.
Жәрмеңкеге 63-тен астам көрермен қатысты.
Айта кетсек, алдағы уақытта да аудан аумағындағы мемлекеттік көрсетілеттін қызметтер сапасына мониторинг жүргізіліп, сапасын жақсарту бойынша тиісті жұмыстар жалғасатын болады.

(с) Сарыағаш ауданы әкімдігінің баспасөз қызметі