🔶 Сауран ауданы әкімдігі аппаратының мәжіліс залында Сауран ауданы әкімдігі жанындағы әйелдер істері және отбасылық демогарфиялық саясат жөніндегі комиссияның кезекті отырысы болып өтті. Жиынды комиссия төрағасы, аудан әкімінің орынбасары С.Садибаев ашып, жүргізіп отырды. Отырысқа комиссия мүшелері, ауылдық округ әкімдері және тиісті сала мамандары қатысты. Комиссияның күн тәртібінде 5 мәселе қаралды.
🔶 Отырыстың күн тәртібіне сәйкес, балалар, жасөспірімдер және жастар үшін спорт секциялары мен шығармашылық үйірмелердің кең қолжетімділігін қамтамасыз ету, арнайы білім беру жобалары, қыздарды STEM пәндері мен цифрлық мамандықтарға оқыту бойынша арнайы жобалар әзірлеу қажеттілігі, балаларға инклюзивті білім беру, ерекше балалардың мәселелерін шешу, балалардың панасыз және қадағалаусыз қалуының алдын алу жұмыстары туралы 3 мәселе бойынша аудандық адами әлеуетті дамыту бөлімінің басшысы А.Батырбекова баяндама жасады.
🔶 Сонымен қатар, дәріханалалық нашақорлық және синтетикалық есірткінің мектеп пен студент жастарына қаупі туралы аудандық емхананың ана мен бала қорғау жөніндегі басшы орынбасарының міндетін атқарушы, сарапшы Д.Берденова, «Әйелдер мен балаларға қатысты зорлық-зомбылықсыз 16 күн» акциясы жасалынып жатқан шаралар және алдын алу бойынша аудандық полиция бөлімінің аға инспекторы, полиция лейтенанты М.Баймахан, аудандық «Жастар ресурстық орталығы» КММ басшысы А.Дүйсенбекова, Оранғай ауылдық округі әкімі аппараты әлеуметтік маманы, аналар кеңесі төрайымының орынбасары Г.Ибадуллаева хабарлама жасады.
🔶 Комиссияның күн тәртібіндегі қаралған мәселелер бойынша тиісті ұсыныстар айтылып, хаттамаға түсіріліп, алдағы уақытта бірлесіп жұмыс жасауға уағдаласты. Жиынды аудан әкімінің орынбасары С.Садибаев қорытындылады.
Сауран ауданы әкімдігінің баспасөз қызметі