🔶 Сауран ауданы әкімдігі аппаратының мәжіліс залында жетінші шақырылымдағы аудандық мәслихаттың кезектен тыс жиырма төртінші сессиясы болып өтті.
🔶 Сессияны Сауран аудандық мәслихатының хатшысы М.Күнпейісов ашып, жүргізіп отырды. Сессияға аудан әкімі Ғ.Рысбеков, аудандық мәслихат депутаттары, аудан әкімінің орынбасарлары, дербес бөлім басшылары, ауылдық округ әкімдері қатысты.
🔶 Сессияның күн тәртібіне сәйкес, 7 мәселе қаралды. Мәжілістің күн тәртібіне сәйкес, Сауран ауданында бейбіт жиналыстар өткізудің кейбір мәселелері, Мәслихаттың 2022 жылғы 25 наурыздағы №107 «Сауран ауданында мүгедектер қатарындағы кемтар балаларды жеке оқыту жоспары бойынша үйде оқытуға жұмсалған шығындарды өтеу тәртібін және мөлшерін айқындау туралы» шешіміне өзгерістер енгізу, Сауран аудандық мәслихатының 2021 жылғы 24 желтоқсандағы №74 «2022-2024 жылдарға арналған аудандық бюджет туралы» шешіміне өзгерістер енгізу, Сауран аудандық мәслихатының 2022 жылғы 26 қазандағы №174 «Сауран ауданы әкімдігіні жанындағы терроризмге қарсы комиссияның дербес құрамын бекіту туралы» шешіміне өзгерістер енгізу, Сауран аудандық мәслихатының 2022 жылғы 26 қазандағы №149 «Сауран ауданы әкімдігі жанындағы құқық бұзушылық профилактикасы жөніндегі ведомоствоаралық комиссияның дербес құрамын бекіту туралы шешіміне өзгерістер енгізу, Сауран ауданы бойынша ауыл шаруашылығы жерлерін суармалы сумен қамтамасыз ету, «Арыс-Түркістан» каналын күрделі жөндеуден өткізу, «Жібек жолы ауылдық округіне су беру мәселесін қарастыру және қоймалардың бүгінгі таңға жағдайы, Түркістан облыстық мәслихатының Грамтотасымен марапаттауға ұсыну туралы мәселелер қаралды. Күн тәртібіндегі қаралған мәселелер бойынша тиісті шешім қабылданды.
Сауран ауданы әкімдігінің баспасөз қызметі