Түркістан облысы ПД-нің 2022 жылға арналған негізгі ұйымдастырушылық іс-шаралар жоспарының 2.6 тармағына сәйкес, Қазақстан аумағында әйелдерге қатысты әртүрлі дискриминация түрлерін жою туралы конвенцияға орай ағымдағы жылдың 25 қарашасы мен 10 желтоқсан аралығында республика аумағында “Зорлық-зомбылықсыз 16 күн” акциясы бастау алды. Осыған орай бүгін Отырар аудандық Полиция бөлімі және аудандық «Жастар ресурстық орталығы»КММ-нің ұйымдастыруымен «Зорлық-зомбылықсыз 16 күн» акциясы өтті.
Отырар аудандық полиция бөлімінің қызметкерлері мен жастар орталығының мамандары акция туралы ақпараттары бар жадынамаларды халық көп шоғырланатын орындарда түсіндіру жұмыстарын жүргізіп, акцияға белсенділік танытуға шақырды. Сонымен қатар іс-шара аясында тұрғындарға арнайы дайындалған брашюралар мен жадынамалар таратылды.
Іс-шараның негізгі мақсаты — зорлық-зомбылыққа ұшыраған отбасы мүшелеріне психологиялық, құқықтық көмек көрсету, отбасы құндылықтарын арттыру, зорлық-зомбылық құрбандарын оңалту бойынша қызмет көрсету, сонымен қатар халық арасында құқықтық түсіндіру жұмысын өткізу, тұрмыстық қылмыстар мен құқықбұзушылықтардың алдын алу болып табылады.