Кәсіпкерлер палатасы жанынан құрылған “Әйелдер кәсіпкерлігін дамыту орталығының” менторы Сауле Мусаева Ордабасы ауданы Темірлан ауылының кәсіпкер әйелдерімен «Кәсіпкерлік құндылығы, жетістіктер тарихы» атты тақырыпта дөңгелек үстел өткізді.

Мақсаты кәсіпкерлік бастамасы бар жәнеде жаңадан бастаған әйелдерге бизнес жасауды үйрету, жетістікке жету жолдарымен бөлісу және кәсіптің қыр-сырын түсіндіру.

Жиынға Іскер әйелдер кеңесінің төрайымы Салтанат Тулегенов, Ордабасы ауданының Іскер әйелдер кеңесінің төрайымы Аймхан Рахиева және кәсіпкер әйелдер қатысты.

“Қазіргі таңда әйелдерге кәсіп бастауда үлкен көмек көрсетіп отырған, қаншама керек мамандықтарды тегін онлайн, офлайн түрде оқытып отырған “Әйелдер кәсіпкерлігін дамыту орталығына” үлкен алғысымызды білдіреміз”,- деп атап өтті Түркістан қаласы Іскер әйелдер кеңесінің төрайымы Гүлмира Абуқызы.