Армения мемлекеті Ереван қаласында қазан айының 14-16 күндері аралығында күрестен Әлем чемпионаты өткізілді. Аталмыш жарыста жерлесіміз кентаулық Жамалхан Нұрхан 88 кг салмақта күресті. Қарсыластарынан ширақтылығымен, әрі мықтылығын дәлелдеп жүлделі 3-орын алып еліміздің мәртебесін асқақтатты. Жарысқа 25 мемлекеттен 230 ға жуық спортшы қатысты.
Жеңімпазды жерлестері зор қуанышпен күтіп алды. Қаладағы Ынтымақ алаңына жиналған жас спортшылар мен ұстаздары жерлестеріне қолдау көрсетті. Қала әкімінің орынбасары Ақнұр Байболова жеңімпаз спортшыны жеңісімен құттықтап, ата-анасына, бапкерлеріне алғыс білдірді.Жамалхан Нұрхан Ерханұлы 2007 жылы 27 сәуір күні Кентау қаласында дүниеге келген. Қазіргі таңда Нұрхан Кентау қаласындағы Әлия Молдағұлова атындағы №19 орта мектебінде 10-шы сыныбында оқиды. Оқумен қатар Кентау қалалық Б.Саттарханов атындағы №1 балалар мен жасөспірімдер спорт мектебінде тәжірибелі бапкер Самат Арғынбаевтың тобында Дзюдо, самбо қазақ күрестерін қатар меңгеріп жүрген спортшы. Бірнеше рет облыс жеңімпазы, Республикалық турнирлерде жеңімпаз жүлдегер атанған. Спортпен шұғылданғанына 8 жыл болған.Айта кетейік, Жамалхан Нұрхан Самбо күресінен Ақтау қаласында өткен Қазақстан Республикасының чемпионатында жеңімпаз атанып Армения мемлекеті Ереван қаласында өтетін әлем чемпионатына жолдама алған болатын.
Кентау қаласы әкімдігінің баспасөз қызметі
