Түркістан облысындағы дәмханалардың бірінен 8 адам уланды, тамақтану орнының иесіне айыппұл салынды.
«Дәмханада фаст-фуд пен ролл жеген үш адам уланды. Кейін белгілі болғандай, осы мекемеден тамаққа тапсырыс берген тағы бес тұрғынға «жедел ішек инфекциясы» диагнозы қойылған», — деп хабарлады санитарлық-эпидемиологиялық бақылау комитетінің баспасөз қызметі.
Дәмхана иесіне 704 мың теңге көлемінде айыппұл салынды. Сондай-ақ, санитарлық-эпидемиологиялық қорытындысыз жұмыс істегені үшін хаттама толтырылып, құжаттар сотқа жолданған.
