Ата-аналар жиналған сессияда педагог-психолог Жанна Арынбаева тренингтің бірінші бөлімінен кейінгі бір аптада қандай өзгерістер орын алды, балаңызға шектеу қоюда қандай әдістер мен ережелер қолдандыңыз, оған деген махаббатыңызды қалай көрсетесіз деген сұрақтар қойылып, кері байланыс орнатылды.

Тренинг барысында «Бұл жастағы бала қандай болады?» сауалында ата-аналарға арнайы бейнероликтер көрсетіліп, сол жағдаяттар туралы бір-бірімен әңгімелесіп, тәжірибе алмасуда балаларының бойындағы өзгерістер туралы айтып, қандай әрекет жасау керек екенін ақылдасып өз ойларын ортаға салды. Осы тұста психолог пен фасилитатор ата-аналардың ойларын тыңдауда бейнероликте көрініс тапқан оқиғалардың қатысушылардың айтқан жауаптарына ұқсас екенін анықтап және дәл осы жағдайда отбасындағы тәртіптің маңызды екенін түсіндірді. Яғни ата-аналар баланың меңгеруі маңызды талаптарды тізім бойынша жазып «Менің балаларымның міндеттері мен ережесін» өз отбасылық ережелерін құрды.

Ал оқушылар тобына ата-аналарының қамқорлығын түсіну және құрметтеу мақсатында «Ата-анамызды құрметтейміз» тақырыбында тренинг өткізілді. Жас зияткерлер шеңбер ішінде «Сенің маған мына тұсың ұнайды» фразасымен бір-біріне жақсы сөздер айтып, ерекше ықылас білдірді. Сонымен қатар қос топтың ата-ана/бала болудың жақсы және қиын тұстары жайлы екі тараптың пікірлері тыңдалып, талқыланды.

Ойын соңында ата-аналар мен оқушылар бір топта жиналып отбасы мұшелерінің мықты тұстарын ағаштың әр жапырағына жазуда өз отбасыларының ағашын өсірді.