Қазір шетел азаматтарына ЖСН беру қызметі Халыққа қызмет көрсету орталықтарында ғана рәсімделеді, деп хабарлайды «masa-24.kz» ақпараттық порталы «Азаматтарға арналған үкіметке» сілтеме жасап.
Бұған дейін Қазақстанда азаматтығы жоқ адамдар аталған қызметті үшінші тұлғаға сенімхат беру арқылы egov.kz порталында онлайн ала алатын, ал қазір порталда бұл қызмет уақытша тоқтатылды.
Қызметті рәсімдеуге үш құжат жеткілікті:
— Белгіленген нұсқадағы өтініш;
— Шетелдік паспорт;
— Қызметті алушы атынан өкілі жүгінген жағдайда — нотариалды куәландырылған сенімхат.
«Азаматтарға арналған үкімет» мемлекеттік корпорациясы» комерциялық емес акционерлік қоғамының Жамбыл облыстық филиалындағы Талас аудандық бөлімі қызметкерлерінің айтуынша, егер шетел азаматының паспортында аты-жөні мен туған жері кирилица немесе латын әріптерімен жазылмаса, құжаттың аудармасы (нотариалды куәландырылған) қажет. ЖСН алу қызметі тегін және 1 жұмыс күні ішінде дайын болады.
