Түркістан облысының әкімі Ө.Шөкеевтің өкімімен Түркістан облысының энергетика және тұрғын үй-коммуналдық шаруашылық басқармасының басшысы болып Далиев Сәкен Шалабайұлы тағайындалды. Сәкен Шалабайұлы 1980 жылы 11 маусымда Жамбыл облысы, Меркі ауданында дүниеге келген.
1997 және 2014 жылдар аралығында ҚР Ішкі істер және қаржы полициясында, Экономикалық қылмысқа қарсы күрес органдарында түрлі лауазымда қызметтер атқарған. 2015-2016 жылдары Батыс Қазақстан облысының ішкі қауіпсіздік және соттардағы сыбайлас жемқорлыққа қарсы іс-қимыл бөлімінің басшысы болған. 2016-2017 жылдары «Маңғыстау электротораптық бөлу компаниясы» АҚ-ның қамтамасыз ету жөніндегі директоры, 2017-2019 жылдары Екібастұз қаласындағы «Богатырь көмір» ЖШС көмір өткізу және нарықтар жөніндегі директоры. 2019-2020 жылдары Алматы қаласының Энерготиімділік және инфрақұрылымдық даму басқармасының «Алматы Су» МКК ішкі бақылау және қауіпсіздікті қамтамасыз ету департаментінің директоры, 2021 жылы Болат Нұржанов атындағы Екібастұз ГРЭС-1» ЖШС-нің директоры қызметін атқарған.
Түркістан облысы әкімінің баспасөз қызметі
