Елордадан арнайы келген Мәжіліс депутаты Дархан Қамзабекұлы кездесудің мақсаты жергілікті жердегі өкілетті билік өкілдерімен кездесу, тілдесу, пікір алмасу екенін айтты. Сондай-ақ Конституцияға енетін өзгерістер мен толықтырулар жөнінде әңгімеледі.

Жалпы алғанда 99 баптың 33 не,яғни 3/1 бөлігіне толықтыру енгізу жоспарланып, өзгерістер енгізу көзделіп отыр. Олардың негізгілері:

Қазақстан басқарудың суперпрезиденттік формасынан мықты парламентке ие президенттік формаға көшеді;

президенттің туыстарына жоғары мемлекеттік қызметтерді атқаруға тыйым салынады;

жер мен жер астындағы байлық халыққа тиесілі болады;

қазақстандықтар өз бетінше Конституциялық сотқа жүгіне алады;

Қазақстанда өлім жазасы болмайды;

мәжілістің депутаттық корпусы аралас сайлау жүйесі бойынша қалыптасады;

сенаттағы президенттік квота қысқарады, мәжілістегі ҚХА квотасы жойылады;

мажоритарлық жүйе сайлаушылардың қалауы бойынша депутаттың өкілеттігін тоқтатуға мүмкіндік береді, деді Мәжіліс депутаты.

Айта кетерлігі, Мемлекет басшысы референдум өткізудің басты мақсаты Әділетті Қазақстанды құру екенін атап өткен болатын.

«Біз бәріміз бір ел болып Жаңа Қазақстанды, Әділетті Қазақстанды құрамыз. Әрбір азаматтың құқығы қорғалатын мемлекет боламыз. Бәріне бірдей мүмкіндік береміз. Әркім қарым-қабілетіне сай қоғамнан өз орнын иеленеді. Халықтың ой-санасы жаңғырып, өмір салты өзгереді. Біз мемлекеттік жүйені жетілдіріп, қоғам мен биліктің тиімді диалогын орнатамыз. Осылайша, Екінші Республиканы қалыптастырамыз. Конституциялық реформа мұның бәрін табысты жүзеге асыру үшін қажет», – деп атап өтті Қасым-Жомарт Кемелұлы..

Кездесу барысында өз тарапымнан Ұлттық парк мәселесін,Тасарықтағы балалар үйінің кәзіргі жай-күйін,жедел жәрдем мәселесі мен ауданға қарасты Алтынбастау,Қарақия және Қаратөбе елді мекендеріндегі денсаулық және білім ошақтарында қордаланған мәселелер бойынша сұрақтар мен ұсыныстартар айтылды

“AMANAT” партиясының фракция мүшесі М.Ермаханбетова.