Биылғы барыс жылын Мемлекет басшысы «Балалар жылы» деп жариялағаны белгілі. «Өскелең ұрпақтың үйлесімді дамуы мен бақытты балалық — бұл біздің жалпы ұлттық міндетіміз»-деді ел Президенті Қ.Тоқаев. Осыған орай, Түркістан облыстық мәслихатының депутаты Рабиға Қуатбекова Арыс қалалық «Т.Тәжібаев атындағы отбасы үлгісіндегі балалар үйі» КММ арнайы барып, балалардың тыныс-тіршілігімен танысты.
Айту керек, бұған дейін де академик Ә. Қуатбеков атындағы Халықтар Достығы университеті аталған балалар үйін өз қамқорлығына алып, көптеген бітіруші түлектердің ЖОО-на тегін білім алуына және басқада әлеуметтік — материялдық жағдайының жақсаруына мол үлесін қосқан болатын. Балалар үйінің жанынан Ұлы тұлға Ә.Қуатбековке арнап музей ашылып, бүгінгі таңда өз жұмысын жалғастыруда.
Бір қуанарлығы — Білім саласының білгір маманы, академик Ә. Қаутбековтің осы бір игі ісін артынан ерген перзенттері яғни, жалғап келе жатыр. «Ел ертеңі мен бүгінгінің болашағы жастар — қолында. Жастарға жағдай жасасақ келешегіміз кемел, алар асуымыз биік, ең озық дамыған елдер қатарынан көрінеріміз айқын», дейді журналистерге берген сұхбатында Рабиға Әбдімұсақызы.