🇰🇿 «AMANAT» партиясы жанындағы Азаматтық қоғам мен мәдениетті дамыту жөніндегі «Miras» республикалық қоғамдық кеңесінің 2022 жылғы алғашқы отырысы ZOOM платформасы арқылы өтті.
📌 Мәжілісті «AMANAT» партиясының Атқарушы хатшысы Оралов Асхат Раздықұлы ашып беріп, «Miras» республикалық қоғамдық кеңесінің жаңа төрағасы Әлтай Аманжол Дүйсенбайұлын таныстырды.
🖌 Кеңес отырысына Қазақстан Республикасы Парламенті Сенаты мен Мәжілісінің депутаттары, Қазақстан Республикасы Ақпарат және қоғамдық даму министрі мен Мәдениет және спорт министрі, сала мамандары, сарапшылар, Республикалық қоғамдық кеңес мүшелері қатысты.
Күн тәртібінде қаралған мәселелер:
▫️1. «AMANAT» партиясы жанындағы азаматтық қоғам мен мәдениетті дамыту жөніндегі «Miras» республикалық қоғамдық кеңесінің жаңа құрамын және 2022 жылға арналған жоспарын бекіту.
▫️2. Мемлекет Басшысы Қ.К. Тоқаевтың «Жаңа Қазақстан: Жаңару мен жаңғыру жолы» атты Қазақстан халқына Жолдауында айқындалған реформаларды жүзеге асыру кезеңінде бұқаралық ақпараттық құралдарының рөлі, жауапкершілігі, әлеуметтік күйі, кәсіби әлеуеті.
▫️3. Жаңа Қазақстан: мәдени-рухани әлем және кітап шығару мәселесі.
🖌«Miras» республикалық қоғамдық кеңесінде ҚР Парламенті Мәжілісінің депутаты Жанарбек ӘШІМЖАН, Қазақстан Республикасының Мәдениет және спорт министрі Дәурен АБАЕВ, Қазақстан Республикасы Ақпарат және қоғамдық даму министрі
Асқар УМАРОВ және «Хабар»Агенттігі» АҚ Басқарма Төрағасы Берік УӘЛИ күн тәртібіндегі маңызды тақырыптар бойынша баяндама жасады. Сондай-ақ, кеңес мүшелері тарапынан ұсыныстар айтылып, мәселелерді шешу жолдары талқыланды.
