Биыл елде зейнетақы мен әлеуметтік төлемдер тағы 4%-ке индекстеледі.

Бұл туралы бүгін премьер-министрдің орынбасары Ералы Тоғжанов хабарлады.

Оның айтуынша, былтырғымен салыстырғанда зейнетақы 11 %-ке, ал жәрдемақы көлемі 9 %-ке көтеріледі.

Инфляцияның 8-ден 10 %-ке дейін өсуіне байланысты Үкімет осындай шешім қабылдады.

Оны жүзеге асыру үшін бюджеттен 111 млрд теңге бөлінеді.

Барлығы 4 млн 200 мың отандасымыздың зейнетақысы мен жәрдемақысы ұлғайтылмақ.