Қазақстан Республикасы Мәдениет және спорт министрлігі Мәдениет комитетінің төрағасы Кәрібжанова Роза Самидоллақызы «Әзірет Сұлтан» мемлекеттік тарихи-мәдени музей-қорығындағы жұмыстармен танысу үшін Түркістан қаласына арнайы іс сапармен келді.
Комитет төрағасы алдымен Қожа Ахмет Ясауи кесенесінің жай-күйімен, ондағы атқарылған реставрациялық жұмыстардың нәтижесімен танысты. Сонымен бірге, «Әзірет Сұлтан» мемлекеттік тарихи-мәдени музей-қорығы аумағындағы тарихи орындарда жүргізілген қайта қалпына келтіру жұмыстары, ортағасырлық Күлтөбе қалашығы, Хан ордасы мен мешіті, магистральды көше бойындағы археологиялық қазба жұмыстарын аралап көрді.
Жұмыс барысында Комитет төрағасы Роза Самидоллақызы музей-қорықтың кеңсе ғимараты, қор жәдігерлерін сақтау жұмыстары, 88,7 га аумақта жүргізілген абаттандыру жұмыстарымен танысып, алдағы атқаратын ауқымды жобалар бойынша «Әзірет Сұлтан» мемлекеттік тарихи-мәдени музей-қорығы, «Қазқайтажаңарту» РМК басшыларына бірқатар тапсырмалар жүктеді.
