Әл-Фараби ауданында тазалық жұмыстарын қадағалау бойынша рейд жұмыстары ұйымдастырылды.

Кезекті тексеру жұмыстары аудандағы Қазиев, Дулати, Қазыбек би, Еркіндік, Мырзабеков көшелерінде жүргізілді. Тексеру барысында аудан әкімдігінің жауапты мамандары бекітілген экологиялық полицейлермен бірлесе құрылыс қалдықтарын көшеге шығарған 12 үй және кәсіп иесін анықтап, оларға ауызша ескерту берді.

Мұндай заңбұзушылық қайталанған жағдайда азаматтарға ҚР 505 бабына сәйкес әкімшілік хаттама толтырылатыны ескертілді. Белгіленбеген орындарға қоқыс тастау бойынша тексеру жұмыстары күнделікті жүргізіліп келеді.

Тыйым салынған жерге тасталған қоқыстан жағымсыз иіс шығып, қоршаған ортаға қолайсыздық туғызатыны жасырын емес. Олай болса қоқыс мәселесіне жеңіл-желпі қарамай, тұрғындарды қоқыс тастау мәдениетін ұстануға шақырамыз!

Сонымен бірге жыл он екі ай бойы көше тазалығына жауапты мамандардың жұмысын бағалауды сұраймыз.

Шымкент қаласы әкімдігінің баспасөз қызметі