Түркістан облыстық мәслихатының депутаты Рабиға Әбдімұсақызы Қуатбекова «Үздік депутаттар» қатарынан көрінді.

Жуырда ғана жарық көрген «Қазақстанның үздік депутаттары» республикалық энциклопедиясына енген халық қалаулысы бұл жетістікке қажырлы еңбек пен талмай ізденудің арқасында қол жеткізді.

Халық арасында Рабиға Әбдімұсақызын Маргарет Тетчерге теңеп жүргендер көп. Өйткені, нәзік жанды депутат ердің жүгін арқалаған іскер арулардың көшін бастап келеді. Әсіресе, Рабиға Әбдімұсақызын  өзі сайланған Арыс қаласының халқы өте жақсы біледі. Аймақтың әлеуметтік-экономикалық дамуына, тың серпін беріп, адами әлеуеттің әлденуі жолында сайлауалды бағдарламаларында айтқан уәделерін тыңғылықты орындап жүр.

Айта кетейік, есімі елге етене таныс депутат  Шымкенттегі академик Әбдімұса Қуатбеков атындағы Халықтар достығы университетінің ректоры. Тәуелсіздікпен тел жетілген білім ордасына биыл 22 жыл толып отыр. Осы мерзім ішінде Рабиға Қуатбекова бәсекеге қабілетті мыңдаған маман даярлап шығарды.  Жас ұрпақты білім нәрімен сусындатып жүр.

masa-ақпарат