Түркістан облыстық мәслихатының депутаты және “Nur Otan” партиясы облыстық филиалы жанындағы Білім мен ғылымды дамыту жөніндегі аймақтық Қоғамдық Кеңестің төрайымы — ретінде онлайн және офлайн форматта ұйымдастырылған қоғамдық қабылдау өткіздім.

Қоғамдық Кеңестің негізгі мақсаты: «Nur Otan» партиясының 2021 жылға дейінгі «Өзгерістер жолы: Әр азаматқа лайықты өмір»! сайлауалды бағдарламасының «Бақытты балалар» , «Болашағына сенімді жастар» , «Парасатты және зияткер қоғам» бағыттары бойынша тиімді жұмыс жүргізілуіне атсалысу, сондай-ақ білім саласының дамуына ықпал ету.

Қоғамдық кеңес жұмыстары туралы өз баяндамамды жасадым. Сонымен қатар Қоғамдық кеңестің және Білім мен ғылымды дамыту қоғамдық кеңестің негізгі міндеттері мен мақсаттарын атап өттім.

Қабылдауға жазылған, хабарласқан және өтініштерін жазып жіберген азаматтардың сұрақтары мен мәселелерін жеке тыңдап, мәселелері бойынша өтініштердің барлығына жауап бердім. Қосымша сұрақтарды өз назарыма алып, сұрақтың шешімін табу үшін Түркістан облысы мәслихатының депутаты ретінде қолымнан келгенше көмек беретінімді жеткіздім және көкейлеріндегі сұрақтарына заң аясында жауап бердім.

Қоғамдық қабылдаудың тікелей эфирін сақтап қойдым.Өз кезегінде қабылдауда болған азаматтар өзіме және партияға деген сенімдерін жеткізді. Өз алғыстарын айтып, жұмысыма сәттілік тіледі.Тұрғындардың мұң-мұқтажын тыңдау алдағы уақытта да жалғасын табады.

Рабиға ҚУАТБЕКОВА,
Академик Ә.Қуатбеков атындағы Халықтар достығы университетінің ректоры, м.ғ.д., профессор,
Түркістан облыстық маслихатының депутаты, Түркістан облыстық мәслихатындағы «Nur Otan»
партиясы фракция жетекшісінің орынбасары, «Nur Otan» партиясы ТОФ жанындағы Білім мен ғылымды дамыту жөніндегі қоғамдық кеңес төрағасы