«Nur Otan» партиясы Арыс қалалық филиалының «Ардагерлерді ардақтайық» атты партиялық жобасы аясында құрылған кестесіне сәйкес, қалалық «Ардагерлер орталығына» Түркістан облыстық мәслихатының депутаты, “Nur Otan” партиясының мүшесі ретінде бардым. Арыс қалалық ардагерлер кеңесі жанындағы «Әжелер алқасының төрайымы» Өрікгүл Елубаева және бір топ ардагерлер жылы лебізін білдіріп қарсы алды.

Алғаш болып сөз алған Ө.Ерубаева бүгінгі күнге дейін әр салада еңбек етіп, бүгін де зейнет жасына жеткен замандастарының ой-пікірлерін тыңдап, көтерілген кейбір мәселелердің шешілуіне ат салысатындықтарын атап айтты. Сонымен қатар, еліміздің ертеңі жас ұрпақтың бойына, туған жерге, елге, өз халқына деген сүйіспеншілікті арттыру, отбасы құндылықтарын сақтау, рухани дүниемізді жаңғырту бағытында сөз болып ұрпақтар сабақтастығын қалыптастырудағы өз ой пікірлерімізбен бөлістік.

Арыс қаласы әжелер алқасының жанынан құралған «Әжелер ансамблі» өз жұмыстарын жандандырып, әдет-ғұрып пен салт-дәстүрімізді дәріптеуде жоғары нәтижеге қол жеткізіп келе жатқандығы туралы атап өтті. . Мен өз кезегімде «Nur Otan» партиясының Сайлауалды бағдарламасын түсіндіріп, қазіргі уақытта атқарылып жатқан шаралар туралы баяндадым. Аналарымыз алғыстарын жаудырып көтеріңкі көңіл күймен тарқастық.Өңірдің әлеуметтік-экономикалық жағдайы мен жергілікті тұрғындартың талап-тілегін тыңдау менің азаматтық борышым деп білемін.

Рабиға ҚУАТБЕКОВА,
Академик Ә.Қуатбеков атындағы Халықтар достығы университетінің ректоры, м.ғ.д., профессор,
Түркістан облыстық маслихатының депутаты, Түркістан облыстық мәслихатындағы «Nur Otan»
партиясы фракция жетекшісінің орынбасары, «Nur Otan» партиясы ТОФ жанындағы Білім мен ғылымды дамыту жөніндегі қоғамдық кеңес төрағасы