Төлеби ауданы Көксәйек ауылдық округінің тұрғындары Жеңіс мектебіне баратын көпір үстіне түнгі жарық орнатып беруді сұранған болатын. Кешқұрым мектептен қайтқан баласын уайымдаған ата-ананың көңілі жайланды. Өйткені,  «Nur Otan» партиясының фракция мүшесі ауылдық округ әкімі Жексенбек Сарсаулетовпен кездесіп, осы мәселені шешу жолдарын қарастырды. Нәтижесінде көшелерге жарық шамдар орнатылып, қараңғы жолдар жарықтандырылды.

Nur Otan партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасына сәйкес, 2021 жылға 7 елді мекеннің 27,6 шақырым жолына түнгі жарық орнатуға 95,4 млн теңге қарастырылды.

Оның ішінде: Жамбыл-1,2 шқ, Кеңесарық-3,7 шқ, Жаңаұйым-5,3 шқ, Киелітас-3,4 шқ, Зағамбар-3,3 шқ, Ленгір қаласы Амангелді көшесі-3,4 шқ, Север мөлтек ауланы-1,8 шқ, Бектаев-1,4 шқ, Қапал батыр көшесі-4,0 шқ.
Сондай-ақ, ауылдық округі бюджеті есебінен Мәдени елді мекенінің Бәйшешек көшесіне түнгі жарық орнатылды.

Ленгер қаласымен және аудан көлемінде 46 дана бейнебақылау орнатуға 85 млн теңге қаржы қарастырылып іске қосылды.Ленгер қаласының автобекет маңына және Көксәйек елді мекеніндегі аудандық ауруханасының жол бойына бағдаршам орнатуға 15,6 млн теңге қаржы қарастырылып бағдаршам орнатылды.Елді мекенге түнгі жарық шамдарын орнату бағытында құжаттар реттеліп, қаржыландыруға ұсынылады. Бұл жұмыстарды жүйелеуге аудандық мәслихаттың депутаты Мадина Сейфуллақызы атсалысты. Ал ааталмыш елдімекен тұрғындары өз кезегінде халық үніне құлақ асқан депутаттарына алғыс білідіріп отыр.

Г. Қалмырзақызы