Шымкенттегі Қылмыстық атқару жүйесі департаментіне қарасты ИЧ-167/4 мекемесінің әкімшілік ғимаратында тігін цехы ашылды. Ақылы жұмысқа тігінші мамандығы бойынша 9 сотталған азаматша жұмысқа қабылданды. Олар түрлі ою өрнектен жасалған көрпелер тігеді.

Айлық жалақысынан талап-қарыздарын өтеу және өздеріне қажетті заттарды алу мүмкіндігіне ие болады. Сотталған азаматшалар жұмыс істеу барысында өздерінің уақытын тиімді әрі сапалы, бастысы пайдалы өткізеді.

Алдағы уақытта да босап шыққан жағдайда өздерінің алған тәжірибесін еркін қолдана алады. Өз тиімділігін беріп отырған бұл бастама еліміздегі бірқатар мекемелерде де жұмыс істейді.