Түркістанда карантин режимін сақтамаған 221 тұлғаға хаттама толтырылды. Санитарлық талаптарды орындамағандардың дені мейрамхана мен дәмханалар. Мобильді топ өкілдері екі жүзге жуық адам жиналған беташар мен тойды тоқтатып, жиналған қауымды тарқатуға мәжбүр болды. Басты мақсат қуаныштың шырқын бұзу емес, қауіпті дерттің таралуына жол бермеу, дейді мамандар.

Сақтық шараларына салғырт қараған тойханалар мен мейрамханалар жасырын түрде жұмыс жасауын доғарар емес. Осындай келеңсіздіктерге тосқауыл қою мақсатында Түркістан қаласында 104 мобильді топ құрылды. Нәтижесінде 2820 құқық бұзушылықты анықтады. Оның ішінде 211 той-жиын ұйымдастырушыларына хаттама толтырылды.
А.АМАНХАН