28 МЕДИЦИНА ҰЙЫМЫ «АҚЫЛДЫ ЕМХАНА» ЖҮЙЕСІНЕ КӨШТІ

Шымшаһардағы 28 медицина ұйымы «Ақылды емхана» жүйесіне көшті. Бұл – «Цифрлы Қазақстан» жобасының жемісі. Ақылды технологияның жұмысы өте ыңғайлы әрі тиімді. Осы арқылы емханаға келген науқастар QR код арқылы медициналық ұйымның және дәрігердің қызметіне баға береді.

Перизат Керімқұлова тұрғылықты жері бойынша №3 емханаға тіркелген. Науқас өзіне керек маманды QR код қосымшасы арқылы тауып, әуелі танысып алды. Онда ақ халатты туралы барлық мәлімет бар. Жұмыс өтілі, біліктілік санаты және қабылдау уақытына дейін көрсетілген.

Жүйенің тиімді тұсы көп. Емхана мен дәрігерлер туралы мағлұматтарға қаныға отырып, зертханалық зерттеу нәтижесін де осы жерден алуға болады.

QR код қосымшасы арқылы науқастар дәрігердің қабылдауына жазылып, медицина маманын үйіне шақыруына да болады. Ең маңыздысы – ұсыныстар, арыз-шағым мен талаптар қалдыруға да жағдай жасалған.

Сондай-ақ, шаһар емханаларында «ДамуМед» медициналық ақпараттық жүйесі де жұмыс істеп тұр. Миилинды қалада мобильдік қосымшаны пайдаланушылар саны 200 мыңнан асады. Электрондық денсаулық паспорты 105 пациентке толтырылған. Бұл – қала халқының 97,8 %-ы.

Г. Қалмырзақызы