КӘСІПКЕРЛЕР ТӘРТІПКЕ БАҒЫНАР ЕМЕС

Шымкенттегі бір ғана Әл фараби ауданында карантин талаптарын сақтамаған 221 тұлғаға хаттама толтырылды. Санитарлық талаптарды орындамағандардың дені мейрамхана мен дәмханалар. Мобильді топ өкілдері жүздеген адам жиналған беташар мен тойды тоқтатып, жиналған қауымды тарқатуға мәжбүр болды. Басты мақсат қуаныштың шырқын бұзу емес, қауіпті дерттің таралуына жол бермеу дейді мамандар.

Сақтық шараларына салғырт қараған тойханалар мен мейрамханалар жасырын түрде жұмыс жасауын доғарар емес. Осындай келеңсіздіктерге тосқауыл қою  мақсатта Әл фараби ауданында 6 мобильді топ құрылды. Нәтижесінде 172 нысанға тексеру жұмыстары жүргізілді. Рейд барысында 213 жеке тұлғаға, 7 жеке кәсіпкерге хаттама толтырылды.

Тәртіпке бағынған құл болмайды. Басты талап санитарлық нормаларды сақтау. Бүгінгі таңда, кәсіп иелері мен той тойлаушыларға 12,6 млн. теңге айыппұл салынып, оның 10,9 млн. теңгесі өндірілді .Ескертпелерді елемегендер  осылайша айыппұл арқалайды.  

А.Аманхан